URAQI PACHANA MARKA IRPIRINAKATAKI
Jucha jaqunañatakixa jank’akiwa amtañasa jach’a luririnakaru ukhamaraki jach’a tama irpirinakasa khitinakatixa aynacht’ayasipki pachamamaru ukhamarakikiwa maysatxa arkirinakaparusa aynacht’ayasipkaraki uraqi pachamamaru arxatasktxa sañampi.
Nayra maranakatpachawa jach’a uraqi q’añuchirinakaxa sañani, Exxon, Shell juk’ampinakampixa waranqha waranqha ch’uxña qullqinaka inaruki iranuqawayapxi yanapt’asktwa sañampi maysa tuqitxa pachamamaru aynacht’awiruxa iyawa saskaraki, aski amtanaka qhipharayasina ukhamaraki k’ari amtanakaru ch’amañchasina, ukañkamaxa sapa maraxa waranqa waranqa qullqi mantirinisipkiwa. Inamayawa yatiyawinakapaxa uñacht’ayataski ch’uxña achunakaru yäqañata, jupanakaxa q’añuchasipkakiwa mayiri jach’a industrias luririnakkjamaxa ukharuxa ñanqha manq’aña luririnakasa.
Uraqina qamasiri jaqinakaxa ch’axwapxiwa uraqinakapa waqaychañataki jani lamara qutata umaxa makatañapataki, pacha mayjt’awinakata wila masinaparu arxatasina, jakañapa arxatasipxi jani aynacht’añapataki umana apawinakata, mach’anakata, ch’iyara uma saririnakata, ch’iyara uma phallatatawinakata, quqa lawanaka phhichhantawinakxata, pachamamana jani walt’ayawinakxata, uraqi jithintawinakata juk’ampi derechos takichawinakata.
Sur Global uksa markanakana utjasiri warminaka, wayna tawaqunaka, ayllu markanaka juk’ampi suyunakawa ñanqha uraqiru q’añuchirinakampi uñkatasitapxi, jak’akiwa munapxi quqlli yanapt’awinaka ukhamampi turkakiñpxañataki suma qamawiru jani ch’iyara uma aspuwinaka jak’ana, jani k’ari arunaka taypina kunjamatixa ch’iyara qhilla alasaxa kutt’ayataniwa bioenergía ukatxa geoingeniería ukampixa markara kust’ayatakaspasa ukhama, amtawisti markanakana askichawinakapa jaya sañatakiwa, jupanakawa nayraru sarantayapxani jutiri qamawinakxa: ch’iyara uma apnaqawinakaxa jaytjataxaniwa, ayllunakana suma yapuchasiñawa thakhiñchayatäni, pachamama uraqina qamawiwa arxatatäni kunjamatixa ch’uxña ch’umi chiqanakata juk’ampi askichawinakawa jikqhatatani markanakana mayiwinakaparjama pachamamana aski qamawipa jikqhatañataki.
Aka askichawinakaxa chiqpacha luraña ukawa ukhamata pachana mayjt’awinakaxa jiwasana askichañjamaskiwa yamakisa aka luratanakaxa nayratpachawa lurasirakinxa markanakanxa kunapachatixa pacharu jani walt’awimpi uñkatasipxanxa ukhanakaxa. Aka askichawinaka phuqhañatakixa qullqinakaw munasiraki. Akaxa jach’a irpiri tamanaka ukhamaraki arkirinakapasa manüpxiwa markanakata, uka manuna ch’aqanuqawinakapaxa qhanañchatañapawa sapa markanakaru niyakixaya jupanakaxa askichawinaka thaqhasipkchixa khuskha suma qamawinaka pacha mamampi utjañapataki.
Jach’a kunaimani yänaka lurayirinakaxa ch’amañchawayapxiwa pacha mamana samanapa aynacht’ayañataki, qullqimpiwa yanapt’awayapxi pacharu yanqhachañataki ukhamarakikiwa pachamamana sumaptawinakapa sarantañatakixa qurpanakawa uchasiwayaraki, nayra maranakatpachawa jana wali lurawinakata kutiyapxañapa. Phuqhapxañapawa kamachinakarjama ukatxa qullqimpisa ukhamarakiki ukhamata ñanqhachaña amtanakaxa mapita tukusxañapataki.
Ukatjamawa uraqina markanakaxa amtapxarakiwa juchaxa jaqutÄñapa jach’a kunaimani yänaka luririnakaru ukataqi yanqhachawayapxatapata uraqi pachamamaru. Jank’achanipxasmawa aka amtawiru ch’amañchañataki.
Uñjawayxtanwa kunajamsa uraqina aynacht’awipaxa aynacht’ayirjamarakiwa maynirusa. Pachaxiwa sur global uksaru jaya sañataki, waynanakaru khitinakatixa uñkatasitapki pueblos indígenas markanakaru ukhamaraki ayllunakarusa. Pachaxiwa sayt’ayxañataki uka jach’a q’añuchirinakaxa jani q’añuchxañapataki ukatxa pacha mamaru arxatiri tamanakaxa mapita kamahinaka apsupxañapataki. Añchhitawa pacharaki juchañchasiñapataki walja ñanqhachawinakata ukanakatjamawa aynacht’awinakasa utjawayi ukatxa mayjt’äwayapxiwa sumana qamañanaka mä markana yamakisa jilpachawa uñjasiwayi khaisa sur global tuqina. Pachawa juchanakapa uñt’asipxañapataki.
¡JUCHA UÑT’ASIYAMA JACH’A PACHAMAMA Q’AÑUCHIRINAKARU UKHAMATA PACHA TARIPAWINAKAXA THAKHIÑCHASIÑAPATAKI!
SUTIMA UCHANTAMA
Janiwa aljapkati janirakiwa turkakipapkati yatiyawinakamxa. Qhanañchatanakamaxa uñakipataniwa jumana chhijllata tamampi ukaxa jumati iyawa satamarjamaniwa. Ullarama kunjamasa yatiyañaxa apnaqatäni ukataki mantama akaru makebigpolluterspay.org/privacy-policy
